НАЗАД


// [лист 53 оборот]

Дело 45.                       1543.03.16 / 1560.01.25

Потвержене плебаном трабским на именичко дворец Чекмаковским з людми и на землю Дмитровщину, на костел Трабский, от п(а)ни Кгаштолтовое, воеводиное виленское, фундованых, навечность.

Жыкгимонътъ Авъгустъ, Божю м(и)л(о)стю корол полский и далей... .

Ознаймуемъ симъ нашимъ листомъ, хто на него посмотрить або, чтучи его, услышить, нинешънимъ и напотомъ будучимъ, кому будеть потребъ того ведати.

Поведилъ перед нами плебанъ трабъский костела Заложенъя панъны Мареи князь Грегоръ Сенъницкий о томъ, ижъ што которое именъечько дворец на ймя Чекмаковъский, лежачий недалеко двора нашого Трабъского надъ рекою Клевою со въсимъ, яко ся то в собе мает, и к тому землю пустовъскую на ймя Дмитъровъщину воеводиная виленъская, канъцлеровая Великого Князства Литовъског(о), старостиная белская и мозыръская, пани Олъбрахтовая Мартиновичь Кгашътолтовая, пани Зофея — княжъна Верейская, еще за живота своего, будучи на онъ час того двора Трабъског(о) у деръжанъи своемъ, по смерти малъжонъка своего небожъчика пана Олъбрахта Марътиновича Кгашътолъта, воеводы виленъского, с призволенъемъ сына своего пана Станислава Олбрагговича Кгашътолта, воеводы троцкого, на тоть костелъ Трабъский Заложенъя панны Марии дала и навечност записала ему самому и по немъ будучимъ плебаномъ трабъскимъ.

// [лист 54]
На шъто жъ она и листъ свой, на паркгамине, по руску писаный, и з завесистою печатью своею ему дала, што ширей на ономъ листе данине ее естъ описано. Который же листъ, данину ее, передъ нами покладалъ и билъ намъ чоломъ князь Грегор Сенницкий, абыхмо ласку нашу г(о)с(по)д(а)рьскую уделали и водле листу, данины пани Кгаштолтовое, в томъ его заховали, и то листомъ нашимъ до того костела Трабъского потвердити казали.

А такъ, мы того листу, данины пани Олбрахтовое Марътиновичь Кгаштолътовое, на то ему даного, огледавъши и з него вырозумевъши, казапи есмо тотъ листъ ее слово оть слова в сес нашъ листъ уписати, который такъ ся в собе маеть:

«Я, Ольбрахтовая Марътиновичъ Кгаштолътова Зофея, княжъна Верейская, воеводиная виленъская, канъцлеровая Великого Князства Литовъского, старостиная белская и мозыръская, чиню явно тымъ моимъ листомъ, нинешънимъ и напотомъ будучимъ, всимъ посполите знаемость сего листа мающимъ.

Ижъ што первей того вжо от немалого часу небожъчикъ панъ и малжонокъ мой милый его м(и)л(о)сть панъ Ольбрахть Кгашътолъть выдал былъ служебницу мою Барбару, которая мне з детинъства своего служила, за служебника своего заслужоного за Чекмака и имъ обема на причину мою и тежъ за давъные а добрые службы их обеюх далъ былъ имъ именъечко дворец свой подле Траб надъ рекою Клевою з людми и з землями, з лесы, з гаи сосновыми, и с сеножатьми со въсимъ на все навечность, им самимъ и их детямъ. То пакъ Чекмакъ с тою жоною своею Баръбарою на томъ именъечку час немалый бывши, и плоду з нею не мевъши умеръ, а жона его предъся на томъ именьи зостала и такожъ час немалый бывъши безплодно змерла,

// [лист 54 оборот]
и мне, яко паней своей, опекуна к души своей, яко тежъ и въсее маетъности своее полецыла, жедаючи на смертъном постели, абых которую вечистую паметку по ней и по мужу ее учинила. Я, паметаючи на давъные службы их обеюх, которые она сама мне а мужъ ее пану моему верне а добре ажъ до смерти своее чинили, в томъ есми прозбы ее не опустила, статокъ ее вес, который се-колвекъ по ней зосталъ, тотъ роздала есми тамъ где была потреба по души ее самое и мужа ее Чеклака. Не видело ми ся инъшое никоторое лепшое памети навечность учинити, одно ижъ бы было придано тое именъечко их ку тому костелу Трабъскому, в которомъ тела их лежать. А такъ я, ачъ-кольвекъ на сес часъ будучи панею веновънаю на томъ именьи моемъ на Трабах до живота моего, а тое тежъ именьечко Чекмаковъское, ижъ к тому жъ именью моему по их смерти припало, а ведъже доложивъшися и порадивъшися в томъ сы-на моего милого его м(и)л(о)сти пана Станислава Кгаштолта, воеводы троцкого, яко отъчича и дедича того именья моего Трабъского, и, не хотятечи тое остаточное прозбы служебницы своее Барбары Чекмаковое опустить, и тежъ бачечи на то, ижъ тоть костелъ Трабъский Заложенья панны Марии нароженья, при которомъ ся ласка и милосерде Боже частокроть многимъ людемъ въ ихъ пригодахъ оказуеть, в надани своемъ естъ силно недостаточный, так ижъ плебанове того костела слугь костелных, викарея и мистра никоторымъ обычаемъ выховати не могуть, для тых причинъ тотъ дворец Чекъмаковъский придала есми к тому костелу Трабъскому Заложенья панны Марии, якъ же и симъ моим листомъ придаю и записую ку чти и ку фале пану Богу и матьце
// [лист 55]
его девицы Марии и всимъ светымъ. А слугамъ костелнымъ на поживенъе и въ моц и держанъе теперешънему плебану трабъскому князю Грегору Сеницкому и инымъ плебаномъ трабъскимъ, по немъ будущимъ, тоть дворец подаю, поступую и ку тому костелу трабъскому навечность привлащаю со въсими землями, с полми, с огороды, з навозы, з сеножатми, з гаи сосновыми и з лесы, с пруды и з будованъемъ дворънымъ, и с паробъкомъ неволнымъ на ймя Стасюкомъ, и з людми тяглыми на ймя Данилець а Сенюкъ Гринъцовичи — служба, а Ходорець Бобриновичь — полъ служъбы, зъ их детьми, зо въсими статьки, и з землями, служъбами тяглыми и со въсими их повинъностями и подачками, со въсимъ на все, ничого не выймуючи и на себе не оставуючи, вечно и непорушъно такъ, яко Чекмакъ и по немъ жона его деръжали. А землю пустовъскую того жъ дворъца на ймя Дмитъровъщину, на той может плебанъ або чоловека осадить, або на пашъню свою оберънуть, то на его воли, яко ему ся налепей увидить.

И маеть то все теперешъний плебанъ трабъский князь Грегоръ и по немъ иные вси плебанове трабъские к тому костелу Божему деръжати и того, яко налепей розумеючи, уживати, а отъ костела никоторымъ обычаемъ того отъдалати не мають. А за то будуть повинни плебанове трабъские подъ своимъ сумъненемъ сами через себе або через каплановъ своих в томъ костеле на кождой недели служити мшу задушъную по души тое Барбары и мужа ее Чекмака на вечные часы, в чомъ их сумънене объвезую. Нижли што ся дотычеть службы земъское военъное, которая бы мела подле уставы г(о)с(по)д(а)рьское на оборону речи посполитое чинена быти, то нехай будеть на воли и ласце г(о)с(по)д(а)рьской.

А на тверъдость того моего запису

// [лист 55 оборот]
и наданъя казала есми к сему моему листу печать свою привесити.

Писанъ у Вильни, лета Божего нароженья тисяча пятьсотъ чотыръдесять третего, м(е)с(я)ца марта шостог[о]надъцать дня, инъдикта перъвого.

А при томъ были: пробощъ кгереноинъский, школястыкъ виленъский князь Щепанъ Кграба, а капланъ нашъ дворъный княз Олекъшей Сеницкий, а писар нашъ Янъ Велямовъский».

Ино кгдыжъ воеводиная виленъская пани Олбрахтовая Марътиновичь Кгашътолътовая, пани Зофея — княжъна Верейская тое именъечко дворец Чекмаковъский со въсимъ яко ся в собе маеть, и к тому землю пустовъскую Дмитъровъщину на тотъ костелъ Трабъский Заложе-нья панъны Марии дала и навечность то ему самому и по немъ будучимъ плебаномъ трабъскимъ ку тому костелу Трабъскому записала, мы з ласки нашое г(о)с(по)д(а)рьское на чоломъбитье его то есмо учинили, при томъ именъечку дворцы Чекмаковъскомъ, и тежъ при той земли пустовъской Дмитровъщине, яко то пани Зофея Кгашътолътовая на тоть костелъ Трабъский Заложенья панны Марии дала и навечность записала, зоставуемъ и тымъ листомъ нашимъ то на тоть костелъ Трабъский Заложенья панны Марии потвержаемъ и въмоцъняемъ навечность.

Маеть онъ самъ и по немъ будучие плебанове трабъские тое именьечко дворец Чекмаковъский со въсимъ, яко ся здавъна в собе маеть и землю пустовъскую Дмитровъщину, яко то пани Зофея Кгашътолътовая на тотъ костелъ Трабъский дала и навечность записала, на тоть костелъ Трабъский деръжати и того вживати вечными часы, заховаючися во въсемъ подле того листу

// [лист 56]
пани Ольбрахтовое Марътиновича Кгашътолътовое, воеводиное виленъское.

А на тверъдость того и печать нашу казали есмо привесити и к сему нашому листу.

Писанъ у Вильни, лет(о) Божг(его) нарож(енья) 1560, м(е)с(я)ца генъвара 25 дня.

Тутъ подъпис руки г(о)с(по)д(а)ря короля его м(и)л(о)сти.

Янъ Гайко писар.

 

Hosted by uCoz