Дело 18. 1555.10
Оповедане п(а)на Остафъя Воловича на Яна и Малхера Андреевичов Завишъ о нестане их на року водлугъ запису их и несознане вечности на имене Рекутевское, названое Лопи.
Лета Божего нароженья 1555, м(е)с(я)ца октябра.
Г(о)с(по)д(а)ръ король его м(и)л(о)сть, великий князь Жыкгимонъть Августъ росказалъ записати.
Оповедалъ передъ его кролевскою м(и)л(о)стью маршалок и писар г(о)с(по)д(а)ръский, староста могилевский и медницкий, державца усвятский и озеришский, панъ Остафей Богдановичъ Воловичъ. Ижъ которий долгъ подъчашог[о] г(о)с(по)д(а)ръского, старосты могилевского и тыкотынского небожъчика пана Станислава Миколаевича Кгезкгайла онъ на листех оказалъ полтъретяста копъ две копе и двадцать грошей на литовскую личбу, пришолъ платити на кревных пана Кгезкгаловых дву братью Яна, Малхера Андреевичов Завишъ. А такъ они, учинивши з нимъ змову и торгь, именье Рекутевъское именем
А ведъ же подъ тымъ способомъ ижъ мелъ, послаши, тое именье пописати и можности того именья доведатися. И естли бы ся ему тое именье не подобало, тогды записали ся они листомъ своимъ тую суму полтретясъта копъ две копе и двадъцать грошей, всю сполна, ему подле квитов его заплатити, которие квиты на тотъ час он имъ поворочалъ.
А естли бы ся пану Остафъю оное именье подобало, записали ся панове Завишы у пети неделях по Нароженьи панны Мареи, свята недавно минулого в нинешнемъ року пятьдесятъ пятомъ, передъ г(о)с(по)д(а)ремъ его м(и)л(о)стью ставши, очевисто вечность продажи своее объявити и вызнати. И естли бы с того листу запису своего выступили и в чомъ-кольвекъ нарушили, обовезалися заруки заплатить г(о)с(по)д(а)ру королю его м(и)л(о)сти триста копъ грошей, а пану Остафъю другую триста копъ грошей.
Яко жъ тотъ рокъ: сего дня, в неделю, м(е)с(я)ца окътябра __ дня, водле запису и листу их припалъ, то пакъ ижъ панове Завиши на тотъ рокъ не стали и вечности того именья пану Остафъю не пустили, и передъ г(о)с(по)д(а)ремъ его м(и)л(о)стью ставши не вызнали. Онъ, пилнуючи того року, оповедавъшися передъ его кролевъскою м(и)л(о)стью, просилъ абы то до книгъ было записано.