НАЗАД


Дело 12.                       1555.03.30

Лист бояром лепунским Петру а Мартину Яновичом, до державци лепунског[о] писаный, зоставуючи их при двух землицах Немонковщине а Юражковщине до воли г(о)с(по)д(а)ръское.

Жыкгимонътъ Авъгустъ, Божъю м(и)л(о)стью король польский, великий князь литовский, руский, пруский, жомойтский, мазовецкий и [и]ных.

Маршалъку нашему, конюшому и подъконюшому виленьскому, деръжавцы волкинецкому и лепунскому пану Юръю Якубовичу Волчъковича и инымъ державцамъ нашимъ, хто и напотомъ тые двори наши Волкиники и Лепуны отъ насъ деръжати будеть.

Били намъ чоломъ бояре повету Троцкого двора нашего Лепунъского на ймя

// [лист 14]
Петръ а Мартин Яновичи и поведили передъ нами. Ижъ король его м(и)л(о)сть Жыкгимонътъ, светое памети отецъ нашъ, з ласки его кролевской м(и)л(о)сти далъ отъцу их Яну Кчестовтувту две землицы пустовских у волости Лепунъской на ймя Немонковщину а Юрашковщину, на што и листъ его кролевъское м(и)л(о)сти, отъцу их на тые земли даный, в себе мають. И передъ нами они его вказывали и поведили, же за тымъ листомъ, даниною короля его м(и)л(о)сти, тые землицы на себе они спокойне отъ колькадесят леть держать и их уживають. Нижли, дей, недавно прошлых часовъ ты, неть ведома в который обычай, в тые землицы их Немонъковъщину и Юражковщину вступоватися почалъ, хотечы тыи землицы их ку двору нашему Лепунъскому привернута. Для чого жъ били они намъ чоломъ, абыхмо ласку нашу г(о)с(по)д(а)ръскую вчинили а водлугъ листу его кролевской м(и)л(о)сти, святое памети отца нашого, при тых двух землицах Немонковщине а Юражковъщине, отъцу их даного, и теперъ их самих зоставили и на то имъ листъ нашъ дали.

Яко жъ и воевода троцкий, державца лидъский, василишъский, белицкий и сомилишкий, панъ Миколай Юрьевичъ Радивилъ насъ в томъ у причине за нимъ жедалъ.

А такъ, мы з ласки нашое г(о)с(по)д(а)ръское на жеданье пана воеводы троцкого и на чоломъбитье тых бояр наших Петра а Мартина Яновичовъ то вчинили: при тых землицах у волости Лепунъской Немонъковъщизне а Юражъковщизне их зоставили.

Мають они тые две землицы у волости Лепунъской вышеймененые со всимъ, што здавна к нимъ прислухаеть, до воли и ласки нашое г(о)с(по)д(а)ръское на себе держати и их вживати. А намъ с того службу земскую служити они мають по тому, яко и иные бояре-шляхта службу

// [лист 14 оборот]
земскую намъ служать.

Ты бы, пане Юръи Волчкевичу, и напотом будучие деръжавцы наши лепунъские о томъ ведали и въ держани тых землицъ Немонковщизне и Юражковъщизне никоторое переказы имъ з двора нашого Лепунъского не делали, конечно, абы то инакъ не было.

П(и)сан у Солатах, лета Бож(его) нарожъ[еня] 1555, м(е)с(я)ца марта 30 денъ.

Подписъ руки короля его м(и)л(о)сти.

Янъ Гайко писаръ.

 

 

Hosted by uCoz