Дело 10. 1555.02.15
Привилей боярину белоцерковскому Василю Кожуховскому на селища Глебовские на Рпени и Островы, на Унъви, ему самому, жоне и детемъ его.
Жыкгимонътъ Авъгустъ, Божъю м(и)л(о)стью король польский, великий князь литовский, руский, пруский, жомойтский, мазовецкий и иных.
Билъ намъ чоломъ бояринъ замку нашого Белоцерковъского на ймя Василей Олехновичъ Кожуховский и поведилъ передъ нами, ижъ воевода киевский, державца чорнобылский, князь Фредрих Глебовичъ Пронъский за прозбою его далъ ему при томъ замку нашомъ Белое Церкви земли: селище Глебовъское на Ръпени, а другое селищо Островы, на Унъви со всимъ, яко ся тыи селища сами в собе и въ пожиткох своих здавна мають, на службе нашой боярской, земской, военъной, до воли и ласки нашое. На што жъ князь воевода киевский и листь свой ему далъ. Которьш онъ передъ нами вказывалъ и билъ намъ чоломъ, абыхмо ласку нашу вделали и при тых селищах Глебовъских и тежъ Островых, на Унъви, его водле листу князя воево
Яко жъ и князь Фредрих Пронъский, воевода киевский, насъ в томъ у причине за нимъ жедалъ.
А такъ, мы з ласки нашое г(о)с(по)д(а)ръское, на жеданье князя воеводы киевского и на чоломъбитье того Василья Кожуховского то вчинили, и тые селища Глебовские на Рпени, и другие селища Островы на Унъви со всими пожитки такъ, яко ся сами в собе и въ пожиткохъ своих здавна мають и што к нимъ здавна и теперъ прислухаеть, ему дали и тымъ листомъ нашимъ даемъ.
Маеть тотъ Василей Кожуховский самъ и его жона, и их дети тыи селища Глебовские на Рпени, а Островы, на Унъви, со всими пожитки, з них приходячими, на себе держати и их уживати, а нам, г(о)с(по)д(а)ру, с того служити онъ маеть службу земскую потому, яко и иные наши бояре повету Киевского службу земскую военьную намъ служать.
И на то есмо тому Василью Кожуховскому дали сесь нашъ листъ з нашою печатью.
П(и)санъ у Вильни, лети(а) Бож(его) нарожъ[енья] 1555, м(е)с(я)ца феврал(я) 15 ден.
Подъпис руки его м(и)л(о)сти пана Миколая Радивила, воеводы виленьского, маршалка земского, канцлера Великого Князьства Литовского.
Ян Гайко писаръ.