Дело 9. 1555.02.15
Лист боярину Белое Церкви Кузме Макаровичу на селищо, названое Новоселицу, на Настасцы, ему самому, жоне и детем его.
Жыкгимонътъ Авъгустъ, Божъю милостью король польский, великим князь литовский, руский, пруский, жомойтский, мазовецкий и иных.
Билъ намъ чоломъ боярин замку нашого Белое Церкви на ймя Кузьма Мокаровичъ и поведилъ передъ нами, ижъ воевода киевъский, державъца чорнобыльский, князь Фредрих Глебовичъ Пронъский за прозбою его далъ ему при томъ замку нашомъ Белой Церкви селища на ймя Новоселицу на Настасцы зо всимъ, яко ся тое селищо само в собе и в пожиткох своих здавна маеть, на службе нашой боярской, земъской, военъной, до воли и ласки нашое. На што жъ князь воевода киев[ский] и листъ свой ему далъ. Который онъ передъ нами вказывалъ и билъ нам чоломъ, абыхмо ласку нашу вделали и при томъ селищи Новоселицы на Настасцы его водле листу князя воеводы киевъского, на то ему даного, заховали и листъ нашъ на то ему дали. Яко жъ и князь Фредрих Пронъский, воевода киевский, насъ в томъ у причине за нимъ жедалъ.
А такъ, мы з ласки нашое г(о)с(по)д(а)рьское, на жеданье князя воеводы киевъского и на чоломъбитье того Кузмы Мокаровича то вчинили: и тое селищо Новоселицу на Настасцы со всими пожитки такъ, яко ся само в собе и в пожиткох своих здавна маеть и што к нему здавна и теперъ прислухаеть, ему дали и тымъ листомъ нашимъ даемъ.
Маеть
И на то есмо тому Кузме Мокаровичу дали сесь нашъ листъ з нашою печатью.
П[и]санъ у Вильни, летъ Бож(его) нарож(енья) 1555, м(е)с(я)ца февраля 15 дня.
Подъпис руки его м(и)л(о)сти пана Миколая Радивила, воеводы виленского, маршалка земского, канцлера Великого Князьства Литовъского.