Дело 7. 1555.02.13
Привилей Богдану Ивановичу Шавуле на церковъ в Киеве Заложеня светого Кирыла, до живота его.
Жыкгимонътъ Авъгустъ, Божъю м(и)л(о)стью король полский, великий князь литовский, руский, пруский, жомоитъский, мазовецъкий и иныхъ.
Билъ намъ чоломъ подданый нашъ с Киева Богдан Ивановичъ Шавула и поведилъ передъ нами, ижъ воевода киевъский, державца чорнобыльский, князь Фредрих Глебовичъ Пронский далъ ему в Киеве церковъ, Заложенья светого Кирила-на-Болони до живота его держати. На што и листъ князя воеводы киевъского, на тую церковъ ему даный, передъ нами тот Богданъ вказывалъ. И билъ намъ чоломъ, абыхмо ласку нашу вделали а водлугь того листу князя воеводы киевъского, ему даного, при церкви его заховали.
Яко жъ и князь Фредрих Пронский, воевода киевъский, самъ
А такъ, мы з ласки нашое г(о)с(по)д(а)ръское и на жеданье князя воеводы киевъского на чоломъбитье того Богдана Шавулы то вчинили: тую церковъ светого Кирила в Киеве ему держати дали.
Маеть онъ тую церков светого Кирила в Киеве на себе до живота своего деръжати и всих пожитковъ, котории к той церкви здавна прислухають, вживати потому, якъ и предки его тую церковъ на себе держачи, пожитки свои мели. А держачи онъ тую церковъ светого Кирила, маеть ся во въсемъ добре а радъне у справах духовных заховати и справовати, а за нась, г(о)с(по)д(а)ръя, Бога просити.
И на то есмо тому Богдану Шавуле дали сесь нашъ листъ з нашою печатью.
Писан у Вильни, лета Божего нароженья тисеча пятсот пятдесят пятого, м(е)с(я)ца февраля тринадцать дня.
Подъпис руки его м(и)л(о)сти пана Миколая Радивила, воеводы виленьского, маръшалка земского, канъцлера Великог[о] Князьства Лит(о)вског[о].
Ян Гайко писаръ.