Дело 5. 1555.01.07.
Привилей владыце полоцкому отцу Герману Хребтовичу на архимандритство церкви светого Михаила в Полоцку на Городцы.
Жыкгимонътъ Авъгустъ, Божю корол полский, великий княз литовъский, руский, пруский, жомойтъский, мазовецкий и иных.
Чынимъ явъно симъ нашимъ листомъ.
Бил намъ чоломъ аръхиепископ, владика полоцкий, витебский и мъстиславъский Геръманъ Хребтовичъ и просилъ нас, абыхмо ласку нашу вчинили а дали ему аръхиманъдриство манастыра церкви светог[о] Михаила у Полоцку на Городцы, подаваня н(а)шог[о] г(о)с(по)д(а)рьског[о], которое аръхиманъдриство первей за даниною нашою г(о)с(по)д(а)рьскою аръхимаидрит небожчикъ Деонисей держал. Яко жъ воевода полоцкий, пан Станислав Ста
А такъ, мы з ласки нашое г(о)с(по)д(а)рьское на жедане пана воеводы полоцкого и на чоломбитье владыки полоцкого то вчинили, тое аръхиманъдритство церкви светого Михаила у Полоцку на Городцы, подаванъя нашого, ему держати дали и тымъ листомъ нашимъ даемъ.
Маеть владика полоцкий Херманъ Хребтович тое аръхимандритство на себе деръжать и подданых тамошъних, которие здавъна ку тому манастыру прислухають, въ справе своей мети и всих пожитков з них уживати потому, яко и первъшие архиманъдрыты з данины нашое г(о)с(по)д(а)рьское передъ тымъ тое аръхимандритъство на Городъцы деръжачи, подданых того манастыра въ справе своей мели и доходовъ и служобъ и всих повинъностей собе з них приходячюс ку пожитку своему вживали.
И на то есмо владыце полоцкому Геръману Хребтовичу дали сесь нашъ лист под нашею печатью.
П[и]сан у Вильни, под лет Божег[о] нароженъя тисеча пятсот пятдесять пятог[о], м(е)с(я)ца генвара семог[о] дня.
Янъ Миколаевич Гайко, писар г(о)с(по)д(а)рьский, конюший городенский, державца ошменский.