Дело 51. 1560.08.22
Позволене татаром повету Виленьского Бахтыяровичом у татар новгородских Маликбашичов и в иншнх люди и земли куповати и закуповати на такой же повинности татарской.
Жыкгимонъть Авъгустъ, Божъю м(и)л(ос)тью и далей ....
Ознаймуемъ симъ нашимъ листомъ.
Били намъ чоломъ татаре повету Виленъского Абрагимъ а Олей Бахтыяровичи съ сынъми своими. И просили они нас, абыхмо ласку нашу г(о)с(по)д(а)рьскую вделали и у татаръ наших повету Новъгородъского, то естъ у Усеина Маликъбашича а въ детей брата его Осана Маликъбашича, и в ыных татаръ наших, в кого бы ся потрафило именъя або люди, и тежъ земли за пенези купити и закупити имъ дозволили. А они с тых именей або людей и тежъ земль своих купленых и закупленых хочуть потому службу нашу и земъскую военъную намъ, г(о)с(по)д(а)рю, служити и въсякие повинъности полнити, яко передъ тымъ с того служба наша и земъская военъная служона и повинъности полнены были.
А такъ, мы, г(о)с(по)д(а)рь, бачечи тую прозбу их быти слушъную, з ласки нашое г(о)с(по)д(а)рьское за чоломъбитьемъ их то вчинили, и въ тых татаръ наших повету Новъгородъского у Усеина Маликъбашича, и въ детей брата его Осана Маликъбашича, и в ыних татаръ наших, в кого бы ся потрафило, именья або люди и тежъ земли купити и закупити за пенези имъ дозволили есмо и тымъ листомъ нашимъ дозволяемъ.
Мають они в тых татаръ наших верхупомененых и тежъ в ыных татаръ, в кого бы ся имъ
И на то есмо имъ сесь нашъ листъ дали з нашою печатью.
П[и]санъ у Вильни, лет(а) Бож(его) нарож(енья) 1560, м(е)с(я)ца авъгуста 22 дня.
Подпис руки г(о)с(по)д(а)ра короля его м(и)л(о)сти.
Koniec Mikolay Puzeliewski – Instigator W(ielkiego) K(siestwa) Lit(ewskiego).
(Прим: Заверительная подпись ревизора Пузалевского, проверявшего книги-копии Метрики ВКЛ 43 в начале XVII века. Сделана латинскими буквами на польском языке, Размещена на правой стороне листа, в три строки.)
Finis
//
//