Дело 50. 1560.08.23
Лист плебану мсдницкому, до старосты медницкого писаный, абы до костела медницкого в нагороду десетины, волоку кгрунту и завел, и подал.
Жыкгимонъть Августъ, Божю м(и)л(о)стью корол полский, ве(ликий) княз лит(о)в(ский) [...].
Маръшалъку и писару нашому, старосте могилевъскому и медницкому, деръжавъцы усвятьскому и озерицъкому, пану Остафъю Воловичу.
Тых часовъ поведилъ передъ нами плебанъ медницкий костела Заложенъя Светое Тройцы Щасный Красовъский о томъ,
што жъ за наданъемъ и уфунъдованъемъ королей их м(и)л(о)сти и великих кнезей литовъских, продковъ наших, отъ давъных
часовъ десятина с пашъни, гумна замку нашого Медъницкого на тотъ косътелъ Светое Тройцы у Медниках, до плебанеи его
медницкое, житомъ и всякими яринами в кожъдый годъ давана бывала. То пакъ, кгды за росказанъемъ нашимъ г(о)с(по)д(а)рьскимъ
через меръчих наших земля пашъная того замку нашого Медъницкого на волоки наши померана и на плате, цыншу нашом урочистомъ,
подле уставы нашое волочное постановена и людемъ нашимъ деръжати роздана, тая, дей, десятина его отъ того костела Светое
Тройцы у Медниках, плебанеи его тамошнее, одышла. И вжо, дей, онъ отъ немалого часу тое десятины з гумна, пашъни замъку
н(а)шог[о] Медъницкого до плебанеи свое медъницкое не маеть и у том собе шкоду немалую быти поведаеть. Для чого ж билъ
он намъ чолом, абыхмо ласку нашу г(о)с(по)д(а)рьскую вделали, и за тую десятину его, которая перед
А такъ, мы, г(о)с(по)д(а)рь, делаючи в томъ ласку нашу г(о)с(по)д(а)рьскую, за чоломъ-битьемъ его и, нагорожаючи ему оную десятину его, которая здавъна подле наданъя и уфунъдованъя королей их м(и)л(о)сти и великих князей литовъских, продъковъ наших, на тотъ костелъ Светое Тройцы у Медъниках с пашни, гумна замку нашого Медницкого ему давана была, дали есмо ему и братьи его, законъникомъ кляшътора костела Заложенъя Светое Тройцы у Медъниках, ку тому костелу Светое Тройцы у Медъниках одну волоку земли пустую, людми нашими не оселую, тамъ же у Медъниках, старостве твоемъ.
И приказуемъ тобе, штобы еси тому Щастъному Красовъскому, плебану медъницкому, и братьи его, подле сего листу и росказанъя нашого, обравъши тамъ у Медъниках одъну волоку земли пустую, людми нашими не оселую, кгрунъту замъку нашого Медъницкого, тамъ, где бы ему ку плебанеи его медъницкой споручъ было, у деръжанъе ему подати и завесисти казалъ. И на которомъ местъцы тая волока земли подле сего листу и росказанъя нашого ему дана и заведена будеть, ты бы, описавъши меновите урочища тое волоки, на то листь свой ему далъ.
А мы на онъ час, подле оного листу твоего, на то ему даного, листъ нашъ дати и то навечность ку костелу Заложенъя Светое
Писанъ у Вильни, лет(а) Бож(его) нарожъ[енья] 1560, м(е)с(я)ца авъгуста 23 дня.