Метрика Великого Княжества Литовского. Книга 43. Дело 49

// [лист 60]

Дело 49. 1559.04.02 / 1560.09.26

Сознане тое ж Шембелевое листу, запису ее, продажы, тым же отчыму и матце ее третее части в тых же именях Линкове и Линковку, и иншихъ, навечность.

// [лист 60 оборот]

Лета Божего нарож(енья) 1560, м(е)с(я)ца сент(я)бра 26 дня.

Пришедъши до книгъ канъцлерейских г(о)с(по)д(а)ра короля его м(и)л(о)сти, великого князя Жыкгимонъта Авъгуста и постановивъшися очевисто земянъка его кролевъскей м(и)л(о)сти Зофея Яновъна Матеевича Теличанъка, оповедила и сознала то добровольно до книгь г(о)с(по)д(а)рьских канъцлерейских именемъ своимъ [и] именемъ мужа своего Михала Себестыяновича Шемъбеля. О томъ, ижъ она восполокъ с тымъ мужомъ своимъ Михаломъ Шемъбелемъ третюю часть всих именей своих отъчизных и дедизных властъных, которые на нее правомъ прирожонымъ по отъцу ее небожъчику Яну Матеевичу Телицы спали и пришли, то есть двора Линъковъского и з частью местечка Линъковъского, в которой части естъ домовъ местских осмъ, и с пустовъщинами тамошъними, в которых, дей, еще з учасники ее поровънанья ей вечног[о] нетъ, и с подаванъемъ костелнымъ, и со въсимъ кгрунътомъ земъленымъ, такъжо и въ Малой Линъковце, которые именъя лежат в повете Троцкомъ у волости Упитьской, и тежъ которые она люди и земли пустовские и тежъ часть четьверътую бору Керъновъского у Оръянах маеть, а особливе дворъца своего Островъского з будованъемъ дворънымъ, з бояры путъными, и з людми данъными и тяглыми, з служъбами их и со въсякими доходы и пожитьки, з них приходячими, ничого тамъ в той третей части тых именей своих верхупомененых сама на себе и на мужа своего, и тежъ на детей и потомъковъ, близких, кровъных своих не зоставуючи, продала и навечность листомъ своимъ записала земянину г(о)с(по)д(а)рьскому

// [лист 61]
Станиславу Миколаевичу Рокицкому и жоне его, матьце своей, Баръбаре Мартиновъне, и детемъ, и потомъкомъ их обель вечно и непорушно, за певъную суму пенезей, то есть за двесте копъ грошей личбы литовъское, личачи по десети пенезей у грошъ. На шъто жъ она и листь-запис свой подъ печатью своею и подъ печатью мужа своего, и тежъ подъ сведомомъ и печатьми некоторых людей добрых ему на себе дала. В которомъ листе ее продажъномъ, на то ему даномъ, ширей и достаточней то описано естъ. Который жо она листь свой у книгь его кролевъское м(и)л(о)сти покладала и просила, абы тое сознанье и листъ ее продажъный до книгъ его кролевъскей м(и)л(о)сти былъ описанъ. Который же листъ ее продажъный, на то ему даный, слово оть слова такъ ся в собе маеть:

«Я, Зофея Яновъна Матеевича Теличанъка, з мужомъ моимъ, Михаломъ Себестыяновичомъ Шембелемъ, земениномъ г(о)с(по)д(а)рьскимъ повету Ковенъского, чинимъ явъно сами на себе тымъ нашимъ листомъ, кому будеть потребъ того ведати або, чтучи его, слышати, нинешънимъ и напотомъ будучимъ.

Которые именъя и люди отьчизные и дедизные спадъкомъ прирожонымъ на мене, Зофею, спали по отъцу моему небожъчику Яну Матеевичу Телитича, то есть: дворъ Линъково и з частью местечка Линъковъского с подаванъемъ костелнымъ и земльми вшелякими и Малая Линъковъка у повете Троцкомъ волости Упитьской з людми тых именей линъковъских, то естъ: Мац Милошевичь, служба, з братомъ

// [лист 61 оборот]
его Петрелемъ; а въ Малой Линъковъце Будгрынъ и з сынъми своими, служба; Анъдрей Чеботаръ и з сынъми своими — люди прихожие — служба; Мац Буйвок и з сынъми, служба; и две пустовъщине в Линъкове подле местечка на ймя Будкчинишъки а Двапишъки, у которых еще поровънанъя нетъ, и з частью местечка Линъковъского, у которомъ естъ осмъ домовъ; к тому у Оръянах подле Керънова служба людей — Ясос Михновичь и з сынъми его, а пустовъщина на ймя Павловъщина тамъже близу Керънова, межи людми паней Миколаевом Сонъкголовом а пана Яна Олехновича, и четверътая часть бору подле Керънова жъ близу реки Вели; у повете Виленъскомъ дворець Островъ з людми, службу служачими и данъ дающими, которых людей островских имена то суть: слуги путьные Прекгудовичи, служба, людей тяглых Семенъ Яроховичь з братаничи и з сынъми, служба, а при томъ ч(о)л(о)в(е)це уступъ в пущу, Марътинъ Гаковичь и з сыномъ Кузмою, служба, а прихожих людей, которые седять подле двора, два ч(о)л(о)в(е)ки: на ймя Бонис Жомойтинъ и з сынъми его Янемъ а Юръкгелемъ, служба, ("Янелис з сыном, служба"); а Рускомъ селе пустовъщина на ймя Исаевъщина.

А такъ я, Зофея вышеймененая, з мужомъ моимъ, Михаломъ Себестыяновичомъ Шемъбелемъ, кромъ жадного припуженъя ани с чией намовы, лечъ сами з доброй воли, тых всих именей отъчшных вышейписаных, то естъ: у Линъкове и въ Малой Линъковъце подле Керънова, у Оръянах

// [лист 62]
и въ Острове кгрунъту, пашни дворъное, людей путных и тяглых, службу служачих и данъ даючих, мещанъ, и пустовъщинъ, будованъя и всякого в тых именъях вышейреченых, пашъни дворъное, селищъ, навозовъ, и всих земль оремых и не оремых, сеножати, болотъ, гаевъ, лесовъ, дубровъ, прудовъ, прудищъ, гоновъ бобровых и всяких лововъ, што-кольвекъ ку тымъ именъямъ прислухаеть и што мне досталося [по] небожъчику отъцу моемъ, тых всих именей третюю часть, яко ся в собе маеть, не оставуючи на себе и на потомки свои продали есмо пану Станиславу Рокицкому и жоне его, матъце нашой, паней Барбаре Марътиновъне, и их потомъкомъ за двесте копъ грошей личбы литовъское, обель вечне и навеки непорушъно.

Вольно пану Станиславу Рокицкому и жоне его, и потомъкомъ их третяя часть тых всих именей со въсимъ, яко вышей описано, отъдати, продати, променити, ку своему лепъшому пожитъку привлащити. А я, Зофея, ани мужъ мой, Михалъ, ани потомки наши и никоторые близкие мои не маемъ ничимъ ся въ третюю часть именей вышейописаных уступатися и тое продажи нашое рушатися.

А кгды есмо продали тую третюю часть имене[й] вышейписаных, объсылали есмо близких своих листомъ урядовымъ, жебы они намъ тую третюю часть заплатили. А кгды близкие наши у нас купити не хотели, мы для пилное потребы нашое продали пану Станиславу Рокицкому и жоне его, матъце нашой, панем Баръбаре. И естъли быхмо мы сами, або дети наши, або хто з близких н(а)ших в той третей

// [лист 62 оборот]
части пана Рокицкого, жону або потомъковъ его порушили, якимъ-кольвекъ обычаемъ вытиснути хотели, таковый часть вины г(о)с(по)д(а)рю королю дати тридъцать рублевъ грошей, пану воеводе виленъскому двадъцать рублевъ, пану Станиславу Рокицкому або малъжонъце его вси шкоды и наклади совито оправити, што бы для того шкодовалъ. И то заплативъши, предъсе тотъ листъ при моцы маеть зостати.

На которую жъ тверъдость я, Зофея Яновъна, посполъ з мужомъ моимъ, Михаломъ Себестыяновичомъ, дали есмо пану Станиславу Рокицкому и малъжонъце его, паней матъце нашой, сесь нашъ листь подъ нашими властъными печатьми. И к тому просили есмо зацных пановъ: пана Станислава Голубицкого, подъстаростего ковенъского; пана Михала Юшъковича, судью ковенъского; пана Яна Яновича Выдру, хоружого ковенъского; пана Миколая Юръевича Володъкевича. Их м(и)л(о)сть на нашу прозбу печати свои приложили к сему нашому вызнаному листу.

На што я, Зофея, з малъжонъкомъ моимъ, Михаломъ, дали есмо пану Станиславу Рокицкому и жоне его паней Баръбаре, матьце нашой, сесь наш листъ подъ нашими печатьми и тых пановъ верхуписаных.

Писанъ у Ковъне, лета Божего нарож(енья) тисеча пятьсотъ пятдесятъ девятого году, м(е)с(я)ца апреля второго дня.

Michai Szembiel».

Которого жъ ее оповеданъя и до книгь г(о)с(по)д(а)ръскихъ канъцлерейских в той речи записанъя Станиславу Рокицкому выписъ с книгь его кролевъскем милости канъцлерей

// [лист 63]
скихъ естъ данъ.

Писанъ у Вильни.