Дело 46. 1560.07.13
Оповедане кн(я)зя Андрея Санкгушковича Кошерского на Ивана Яцковича Борзобогатого о неотадане двухсот коп гр(о)ш(ей) на рокъ водлугъ обликгу его.
Лета Бож(его) нарож(енья) 1560, м(е)с(я)ца июля 13 дня.
Г(о)с(по)д(а)рь король его м(и)л(о)сть, великий княз Жыкгимонътъ Авъгустъ рачилъ казати до книгъ записати.
Постановивъшися очевисто передъ его кролевъскою м(и)л(о)стью староста луцкий княз Анъдрей Михайловичъ Санъкгушъковича-Кошеръский оповедалъ то г(о)с(по)д(а)рю королю его м(и)л(о)сти, ижъ што перво сего ключникъ, городъничий и мостовъничий замку его кролевъское м(и)л(о)сти Луцкого, справъца мытъ его м(и)л(о)сти г(о)с(по)д(а)рьских коморы волынъское, войть луцкий Иванъ Яцковичъ Боръзобогатый зостали ему винъни певъную суму пенезей, то естъ чотыриста копъ грошей личбы литовъское за именъе его Сухую Волю, которое именъе вечный правомъ они в него собе купили. Ино, дей, тое сумы двесте копъ грошей они за тое именье его подле листу запису своего вжо ему отъдали, а другую двесте копъ грошей мели и описали, дей, ему на листе, записе своемъ, на рокъ певъный отъдать,
И поведилъ передъ г(о)с(по)д(а)ремъ королемъ его м(и)л(о)стью княз староста луцкий, ижъ оный рокъ минулъ верху меновите описаный, вжо давъно минулъ, а они, дей, ему тое сумы пенезей двухсотъ копъ грошей подле листу, запису своего, на то ему даного, ажъ и до сих часовъ, делаючи в томъ ему шкоду, проволоку и омешъканъе немалое, отьдати и заплатити ему не хочуть. И просилъ его кролевъское м(и)л(о)сти княз Анъдрей Коширъский, староста луцкий, абы г(о)с(по)д(а)рь король его м(и)л(о)сть рачилъ тое оповеданъе его, ку ведомости своей г(о)с(по)д(а)рьской припустивши, до книгъ его кролевъское м(и)л(о)сти канъцлярейских казати записати. А такъ, г(о)с(по)д(а)рь король его м(и)л(о)сть, выслухавъши того оповеданя его, рачилъ то до книгъ его м(и)л(о)сти г(о)с(по)д(а)рьских канъцлерейских казати записати. Где жъ и выписъ с книгъ того оповеданъя князю старосте луцкому г(о)с(по)д(а)рь король его м(и)л(ос)ть дати казати рачил.
Писанъ у Вилни.