Дело 42. 1558.04.05/1558.04.08
Сознане перед его к(о)р(олевской) м(и)л(о)стю от п(а)на Ивана Кунъцевича листу запису его продажного на имене Поневежи, п(а)ну Матею Петкевичу, чашнику г(оспода)рскому, даного.
Лета Бож(его) нарож(енья) 1558, м(е)с(я)ца апрел(я) 8 день.
Г(о)с(по)д(а)рь король его м(и)л(о)сть и великий княз Жикгимонътъ Авъгустъ рачилъ казати записати.
Ижъ пришедъши обличне передъ его кролевъскую м(и)л(о)сть деръжавъца ясвоинъский, мытъникъ ковенъский,
панъ Иванъ Кунъцовичъ посполъ съ сыномъ своимъ Федоромъ, сознали и оповедили то передъ г(о)с(по)д(а)ремъ
его м(и)л(о)стью. Ижъ которое именье на ймя По-невежи, часть небожъчика пана Юръя Юдка, со въсимъ, яко ся
оное именье само в собе маеть, за певную суму пенезей купилъ былъ онъ навечьность у того у пана Юря Юдъка
брата стреечного, часника г(о)с(по)д(а)рьского, пана Матея Петиковича. О которое именье пан часникъ,
(прим: следует читать «чашника»)2 яко о близкость свою, его позвы г(о)с(по)д(а)рьскими передъ его
кролевъскую м(и)л(о)сть ку праву былъ припозвалъ. А такъ за онымъ позванъемъ его, не въступуючи с нимъ о
то у право, едъналнымъ а згодливымъ обычаемъ тое именье Поневяжъское, куплю свою, онъ споломъ съ сыном
своимъ Федоромъ и з волею всих сыновъ своих пану часнику2 самому, жоне и детемъ и потомъкомъ его за
певъную суму пенезей, то ест за чотыриста копъ грошей личбы и монеты литовъское, навечност ему продалъ
и опустилъ. На шъто онъ и листъ свой продажъньш под печатью своею и под сведомомъ и печатьми некоторых
людей добрых ему далъ. Который листъ свой продажный пан Иванъ Кунъцевич перед г(о)с(по)д(а)ремъ его
м(и)л(о)стью покладалъ и просилъ за то, абы его кролевъская м(и)л(о)сть тое оповедаяе и сознанье и листъ
Его кролевъская м(и)л(о)сть того оповеданья и сознанъя пана Ивана Кунъцевича выслухавъши, и оного листу его продажного, на тое именье Поневяжъское пану часнику2 даного огледавъши, тотъ листъ его продажньш рачилъ казати до книгъ его м(и)л(о)сти г(о)с(по)д(а)рьских: канъцлерейских записати. Который листъ его слово отъ слова такъ ся в собе маеть:
«Я, Иванъ Кунъцевичъ, деръжавъца ясвонъский, справъца мыта ковенъского, весполокъ со въсими сынъми
моими Федоромъ, Костянътиномъ, Авърамомъ а Марътиномъ вызнаваемъ сами на себе тымъ нашимъ листомъ.
Ижъ што былъ мене позвалъ позвы короля его м(и)л(о)сти панъ Матей Пеяжовичъ, часникъ2 его
кролевъское м(и)л(о)сти, о половицу именья близкости своее на ймя Поневяжъ, которое лежить у повете
Вилькейскомъ у Жомойти. Которое именье я былъ купилъ навечность отъ небожъчика пана Юрья Едъковича,
кухмистровича г(о)с(по)д(а)рьского, брата стреечного пана Матея Петъковича при той половицы именъя пана
часниковой2 Поневяжъской. А такъ я, Иванъ, посполъ съ сынми моими верхуменеными,
не хотячи ся зъ его м(и)л(о)стью паномъ чашъникомъ о то заводити, и о въшеки паметаючи болшъ на то,
абы его м(и)л(о)сть при близкости своей зосталъ ачъ-колвекъ тое именъе за куплею моею давности земъское
было зашло и к тому в третем части всего именья было продано, и тежъ чинячи делъ межи детьми моими,
такъ есми был застаневилъ. Ижъ по животе моемъ тое именье веръху-описаное на сына моего Федора спасти
мело. И к тому еще особно сынъ мой Аврамъ мелъ ему дати двесте копъ грошей з ыменья Девякголы, а сын мой
Косътянътинъ десят копъ грошей з ыменья моего Лаши. И з дозволенъемъ сыновъ моих тое именье Поневяжъ з
дворомъ, с пашънею дворъною, челядю невольною, з людми тяглыми и з их земълями, и со въсякими ихъ
повинъностями, з боры, з лесы и с пущою, и речками, и всякими кгрунты и широкостями со въсимъ на все,
якомъ я отъ небожчика пана Едъка до рукъ моих деръжалъ, в руки пана часниковы2 есми пустил, яко близкость
его м(и)л(о)сти. А чотыриста копъ грошей, отъ пана час2
И обавяючися тежъ того, абы який ростыркъ по животе моем межи тыми детьми моими коло постановенъя делу не былъ, и того тутъ докладамъ. Ижъ сынъ мой Аврамъ предсе до тое чотырехсотъ коп грошей, которые я отъ пана чашъника вземъши, Федору далъ, маеть ему дати двесте копъ грошей, а другий сын мой Костянътинъ маеть ему дати пятьдесятъ копъ грошей отъ именъя Лаши. Яко жъ сынъ мой Авърамъ передо мъною, отъцемъ своимъ, и передъ их м(и)л(о)стью паны зацными, нижей того листу написаных, объвезалъся двесте копъ грошей сыну моему Федору платити, а онъ маеть за тыи пенези собе именье купити. А што ся дотычеть листа купъчого, такъ и потъверъженъя г(о)с(по)д(а)рьского на тое именье Поневяжъское и иные листы, которыи бы к тому именью прислухали, тыи вси есми его м(и)л(о)сти пану часнику2 при именью вернулъ. И вжо отъ того часу я самъ, сын мой Федоръ и инъшие дети и потомъки мои в тое именье Поневяжи ничим ся уступати не маемъ.
И маеть то панъ чашъникъ его м(и)л(о)сть, жона и дети и потомъки его м(и)л(о)сти вечне деръжати и вживати, яко властности своее. А естъли бы тежъ хто близкш: пана часниковых2, которыи бы ся менили близшими до того именъя, к тому ся припытовати хотели, тогды вжо жадъный к тому прийти не можеть. Бо то я, маючи куплю свою, в третей части проданую, и задеръжавъши давъность земъскую, добровольне за прозбою пана чашниковою, знаючи ку собе особъливые вчинъности пана чашъниковы, за суму пенезей чотыриста копъ грошей спустилъ.
А на той угоде были их м(и)л(о)сть панове врадъники его кролевъское м(и)л(о)сти: панъ Миколай Шимъковичь Пошушъвенъский, маръшалокъ г(о)с(по)д(а)рьский, справъца деръжавы упитъское; а панъ Есифъ Халецкий, маръшалокъ г(о)с(по)д(а)рьский черъкаский; а панъ Скуминъ Лвовичь, маръшалокъ г(о)с(по)д(а)рьский.
И просил
Писан у Вилни, летъ Бож(его) нарожъ[енья] 1558, м(е)с(я)ца апрел 5 день».
На шъто жъ панъ Матей Петъковичь, чашник его кролевъское м(и)л(о)сти, того оповеданъя и сознаня пана Ивана Кунъцевича, передъ его кролевъскою м(и)л(о)стью о тое именье Поневяжъское вделаного, и выпис с книгъ г(о)с(по)д(а)рьских подъ печатью его кролевъское м(и)л(о)сти собе взялъ.