Дело 20. 1555.05.12/1555.11.28
Потвержене тестаменту п(а)ни Ярошовое Корицкое - п(а)ни Ганны Довойновны, от малжонка ее п(а)на Яроша Корицкого покладаного.
Жыкгимонътъ Августъ, Божъю м(и)л(о)стью король полский, великий князь литовъский, руский, пруский, жомойтский, мазовецкий и иных.
Чинимъ знаменито симъ нашимъ листомъ, хто на него посмотрить або чтучи его услышить, нинешнимъ и напотомъ будучимъ, кому будеть потребъ того ведати.
Билъ намъ чолом конюший нашъ дворный, державца кгереноинский и търабский, панъ Ерошъ Корицкий и поведилъ передъ нами. Ижъ малъжонка его пани Ганна Андреевна Довойновна, будучи от пана Бога хоробою зложона, з доброю паметью и умысломъ своимъ, хотечи именья и всю маетность свою за живота своего в доброй порадности постановити, листъ, тестаментъ свой остаточное воли своее, достаточне и меновите справила и ему, малжонку своему, до рук его дала, и тое постановенье и описанье остаточное воли своее вчиненое передъ врадомъ нашимъ г(о)с(по)д(а)ръскимъ воеводъства Виленского она очевисто сознала, и до книгь врадовых воеводъства Виленьского записати то дала. Которий листъ, тестаменътъ ее справеный, подъ печатью ее и подъ сведомомъ и печатьми не
А такъ, мы, г(о)с(по)д(а)рь, того листу малъжонки его огледавши и достаточне его выслухавши, казали его слова отъ слова в сесь нашъ листъ вписати, которий листь тестаменътъ ее такъ ся в собе маеть:
"Во ймя Боже станся.
Я, Ганна Андреевна Довойновна, конюшиная г(о)с(по)д(а)рьская, ачъ-колвекъ на тотъ час з допущенья Божего, будучи хоробою навежона, але в добромъ розуме и памети, и бачечи, ижъ над смерть жадная речъ не естъ певнейшая, а ничого певнейшого, одна година смерти, обовяючися тежъ того, абы по моемъ животе межи малжонкомъ и сыном моимъ, и тежъ братею и кревными моими именья мои материстые, которые ми ся отъ брата моего его м(и)л(о)сти пана Станислава Анъдреевича Довойна, старосты мерецкого, остринского и бобруйского, достали, никоторие ростырки не были, ни с чиее намовы ани припуженья, але по доброй воли своей достаточне ся в томъ розмысливши, пишу сесъ дестаментъ мой и остаточную волю мою ознаймую.
Напервей, естли бы панъ Богъ в той хоробе моей рачилъ мне с того света взять, душу мою поручамъ пану Богу в Тройцы единому, а телу моему обирамъ погребъ у Вильни, в костеле Бернадынскомъ, где предкове мои лежать.
--- --- ---