Дело 19. 1523.08.15 / 1555.11.12
Потвержене Войтеху Юхновичу Михаловскому на имене Рачкишки и на службу людей в Куткинятех [...] ему, от князя Павла Голшанского, бискупа луцкого, записаные навечность.
Жыкгимонътъ Августь, Божъю м(и)л(о)стью король польский, великий князь литовъский, руский, пруский, жомоитский, мазовецкий и иных.
Чинимъ знаменито симъ нашимъ листомъ, хто на него посмотрить або, чтучи его, услышить, нинешнимъ и напотомъ будучимъ, кому будеть потребъ того ведати.
Билъ намъ чоломъ бояринъ нашъ Войтех Юхновичъ Михайловский и поведилъ передъ нами. Што жъ князь Павелъ, бискупъ виленьский, кн(я)же Голшанское первей сего, будучи бискупомъ луцкимъ, за службы его, которые онъ ему, пану своему, чинилъ ку именеью его Рачкишъкамъ, што онъ подъ кн(я)же бискупомъ виленьскимъ у Голшанех з давных часовъ с предковъ своих маеть, придалъ ему тамъ же у Голшанех в Куткенятех службу людей на ймя Ивана Артимцовича с потужникомъ его Станчикомъ, и землю Ивошкову Поскевского, и к тому огородъ в месътечку Голшанскомъ, Веприновский, на корчму. Яко жъ и листъ свой, потверъжаючи ему то навечность и дозволяючи ему якъ с тымъ именьемъ отьчизнымъ Рачкишками, такъ тежъ и с тою службою людей и землями вышейменеными по смерти своей кому хотечи служити и тое именье, со всимъ тымъ супокойне водле воли своее держачи, его уживати. Яко жъ и тотъ листь, данину князя Павла, бискупа виленьского, передъ нами он покладалъ и билъ намъ чоломъ тоть бояринъ нашъ Войтех Михаловъский, абхмо ему в томъ ласку нашу г(о)с(по)д(а)ръскую вчинили и водле тое данины небожъчика князя бискупа виленьского его
Билъ намъ чоломъ бояринъ нашъ голшанский Войтех Юхновичъ Михаловъский и поведилъ передъ нами. Ижъ што, дей, первей сего мы з ласки нашое придали ему за службу его ку отъчизне его Рачъкишкомъ люди и земли, то естъ люди на ймя Ивана Арътимцовича с потужникомъ своимъ Станчикомъ в Нуткинятех, службу, и землю Ивашкову Повлевского, и к тому у Голшанех огородъ Веприковъский на корчму. На што жъ ему есмо и листы наши паперовые з нашими печатьми подавали, которые онъ передъ нами указывалъ. Нижли, дей, онъ с потомъствомъ своимъ для того, ижъ тая дата наша на папери естъ дана веку и с того а спокойливого держанья бесъпечонъ не естъ, и просилъ нас за то, абыхмо якъ тую всю дату нашу, такъ и все именье, отъчизну его, особливымъ листомъ нашимъ паркгаменовымъ ему навечность потвердили.
А такъ, мы, паметаючи на его верные а пильные послуги, то на его чоломъбитье его есмо вчинили и тые вышейписаные люди и земли ему и потомкомъ его навечность дали. Маеть то онъ, жона, дети и напотомъ будучие щадъки их ку отъчизне своей Рачкишкамъ вечне держати и въживати, а намъ якъ з отичизны, такъ и с тое выслуги своее службу боярскую конъно, збройно до живота нашого служити по тому, якъ и иншие бояре наши шляхта намъ служать.
А по животе нашомъ вже онъ самъ, дети и потомки их волны будуть с тымъ всимъ именьемъ своимъ кому
И на то даемъ и навечность потвержаемъ ему и потомкомъ его симъ нашимъ паркгаменовымъ листомъ з нашою привесистою печатю.
П(и)сан у Янове, подъ лета Божего нароженья тисяча пятьсотъ двадцать третего, м(е)с(я)ца августа пятогонадцать дня, инъдикта второгонадъцат.
Paulus Epus H". (Прим: подпись виленского бикупа приведена по латыни)
А такъ, мы, г(о)с(по)д(а)ръ, бачечи в томъ прозбу его быти слушную, з ласки нашое г(о)с(по)д(а)ръское на чоломъбитье его то вчинили, и тотъ листъ данину небожчика князя Павла, бискупа виленьского, при моцы зуполной зоставили и тымъ листомъ нашимъ зоставуемъ. И тое именье Рачкишки, лежачое в Голшанех, и службу людей, землю и огородъ в местечку Голшанскомъ, ку тому именью его Рачкишкому отъ небожъчика князя бискупа виленьского приданые, зо всимъ на все, яко ся тое именье и тая служба, и людей земля, и огородъ самъ в собе маеть, тому боярину нашому Михаловскому самому и его жоне, детемъ и потомкомъ их и на вечные часы потвержаемъ.
Маеть онъ то все, на себе держачи, и того вживати водле листу, данины небожчика князя Павла, бискупа виленского, а намъ с того службу земскую военьную поспол з ыншими бояри-шляхтою под хоруговю хоружъства Ошъмянского служити.
А близкие и кровные, приятели небожъчика князя Павла, бискупа виленьского, того именья Рачкишского и тое службы людей, и земли, и огорода в Голшанех вышеймененых на немъ пойскиватчи и никоторое трудности задавати ему в томъ не мають, але во всемъ противко ему и потомкомъ его водле того листу, данины князя Павла, бискупа виленьского, заховатися они мають.
И на то мы Войтеху Михаловскому
П[и]сан у Вильне, лета Божего нароженья тисяча пятьсотъ пятьдесять пято[го], м(е)с(я)ца ноябра 12 дня.
Подъписъ руки короля его м(и)л(о)сти.
Янъ Гайко писар.