НАЗАД


// [лист 14 оборот]

Дело 13.                       1555.08.06


Вызволене мещанину виленскому Степану Волковича от стоятня гостей в дому его на Немецкой улицы, до живота его.

 

Жыкгимонътъ Августъ, Божъю м(и)л(о)стью корол полский, великий князь литовский, руский, жомойтский, мазовецкий и иных.

Чинимъ явно симъ нашимъ листомъ.

Билъ намъ чоломъ мещанинъ места нашого Виленьского Степанъ Миколаевичъ Волъковича и просилъ насъ, абыхмо ласку нашу г(о)с(по)д(а)ръскую вчинили а домъ его, который есть в месте нашомъ Виленьскомъ на улицы Немецкой, лежачий межи домами, з одъное стороны - домомъ князя Юръя а князя Семена Юръевичовъ Слуцких, а з другое стороны - домамъ мещанки виленьское Барбары Станюшковое, отъ стоятня пословъ и тежъ князей, пановъ, врядниковъ и дворанъ наших волнымъ уделали. Яко жъ, дей, в томъ дому его и передъ тымъ николи нихто пословъ, князей и пановъ, врадниковъ и дворанъ наших для неспособного и малого будованья его не стоивали и господы там не мевали.

А такъ, мы з ласки нашое на его чоломъбитье то вчинили: И кгдыж перво сего в томъ дому его нихто с пословъ и тежъ князей

// [лист 15]

и панов, врадниковъ и дворанъ наших господы з ураду нашего даное собе не мель, и теперь тотъ домъ его отъ стояня пословъ, князей и пановъ, врадниковъ и дворанъ наших вызволили и тымъ листомъ нашимъ вызъволяемъ и волнымъ чинимъ. Ижъ не маемъ мы самы, г(о)с(по)д(а)ръ, з рамени нашого г(о)с(по)д(а)ръского, ани тежъ врадъ нашъ Панове маршалъкове наши, яко панъ маршалокъ земский Великого Князьства Литовъского и тежъ панъ маршалокъ дворный и дворанинъ нашъ, который для роздаванья господъ отъ насъ уставленъ будеть, з урадовъ своих не мають в томъ дому его вышеймененомъ в месте нашомъ Виленьскомъ, лежачомъ на улицы Немецкой межи домомъ князей Слуцких и домомъ тое Станюшковое, мещанъки виленьское, на соймох и безъ соймовъ жадных пословъ и тежъ князей, пановъ, врадниковъ и дворанъ наших и никого иншого становити и господы в немъ давати ани которого затрудненья в становенью гостей в томъ его дому ему чинити, але маемъ того Степана Миколаевича Волковича, мещанина виленьского, отъ стоянья гостей в томъ дому его вышейписаномъ спокойне заховати до живота его самого.

И на то есмо дали ему сесь нашъ листь з нашою печатью.

П[и]санъ у Петиръкове, лет(а) Бож(его) нарожъ[енья] 1555, м(е)с(я)ца мая осмого дня.

Подпис руки короля его м(и)л(о)сти.

Ян Гайко писаръ.


Hosted by uCoz