Дело 4. 1555.01.07
Вызнане перед п(а)ном Яном Гайком, писаром г(оспода)рским, от п(а)на Яна Михайловича Зеновича остаточное воли его, яко маетност свою по своем животе розрядилъ.
Лета Божего нароженья тисяча пятьсотъ пятьдесят пятого, м(е)с(я)ца генвара семого дня.
Г(о)с(по)д(а)ръ король его м(и)л(о)сть и великий князь Жыкгимонътъ Августъ казалъ записати.
Ижъ присылалъ до его кролевский м(и)л(о)сти панъ Янъ Михайловичъ Зеновевича, оповедаючи то, ижъ онъ будучи на тотъ часъ тутъ в месте Виленьскомъ и не могучи за форобою своею самъ передъ его кролевъскую м(и)л(о)сть прийти и созьнанья остаточное воли своее устне оповедити, которымъ бы обычаемъ по животе своемъ малъжонку свою именья и вси речи рухомыи маетность свою мелъ постановити. Для того через посланье свое билъ чоломъ г(о)с(по)д(а)ру королю его м(и)л(о)сти и просилъ его, абы его кролевъска м(и)л(ос)ть урадъ свой до него рачилъ зослати, передъ которымъ бы онъ сознанье и остаточную волю свою оповедалъ.
Где жъ его кролевъска м(и)л(о)сть за чоломъбитьемъ его для преслуханья отъ него тое речи рачилъ росказать мне, Яну Гайку, писару его кролевъский м(и)л(о)сти, конюшому горо-денъскому, до него ехати.
А такъ, за росказаньемъ его м(и)л(о)сти г(о)с(по)д(а)рьскимъ я, Янъ Гайко, писар его кролевъский м(и)л(о)сти, до пана Яна Михайловича Зеновъевича ехалъ. И кгды есми до него тутъ
"Ижъ я, розумеючи тому, жемъ тепере про форобу свою естъ близший смерти а нижли на томъ свете здорового помешъканья живота моего, для того, абы по смерти моей малъжонъка моя пани Дорота Цыбулская спокойне подле листовъ моих записных двухъ, которые листы записы свои я первей сего ей далъ подъ сведомомъ вряду г(о)с(по)д(а)рьского его м(и)л(о)сти пана Осътафъя Воловича, маръшалъка и писара его кролевъскии м(и)л(о)сти. Одинъ листъ на суму пенезей дванадъцать сотъ копъ грошей литовъское личбы на именьи моемъ на ймя Мосоре и на людех дисенъских зо въсимъ, яко ся тое именье мое Мосоръ и люди дисенъские в собе маеть. Записаную которую суму пенезей я перъвей сего в пани Дороты Цыбулское, еще не понемъши ее за себе в малъженъство, кгды она по смерти пана Станислава Коморовъского, писара его кролевъскии м(и)л(о)сти, перъвшого мужа своего, вдовою была, ку потребе моей позычилъ и взялъ, и до заплаты тое сумы пенезей тое именье Мосоръ и люди свои дисенъские ей заставилъ. И на томъ же именьи Мосоре доброволне до живота ее мешъканье и въживанье хотя по заплате ей тое сумы пенезей, кгды бы мне она малъжонъкою остала, ей, малъжонъце моей, я описалъ. А другий листъ мой ей, малъжонъце моей, даный, на вси речи и статъки мои рухомые яко: злото, сребро, шаты, и на иные вси рухомыи мои речи отъ мала и до велика, штомъ я ей далъ и даро
И поведилъ и созналъ то пан Янъ Михайловичъ Зеновъевичъ передо мъною, Яномъ Гайкомъ, писаромъ г(о)с(по)д(а)рьскимъ, яко на то до него посланымъ врадом его кролевъский м(и)л(о)сти. "Же яко тое именье Мосаръ и люди дисенъские со въсимъ, яко ся они в собе мають, в той суме пенезей, дванадъцать сотъ копах грошей литовское личбы штомъ я в нее позычилъ, поки бы тую суму пенезей братья и близкий мои пани Дороте Цыбулской або кому бы то она записала и даровала, отъложать и заплатять, маеть она держати, и тежъ предъсе доживотъное мешъканье и вживанье того именья Мосорского и людей дисенъских она, малъжонъка моя, хотя по заплате ей тое сумы пенезей отъ братьи и близших моих водле запису моего до живота своего спокойне мети мает. А по животе ее, кгды братья и близкии мои тую суму пенезей, дванадъцать сотъ копъ грошей литовъское личбы, тому, кому она то взяти поручить и запишеть, заплатять и сполна отьдадуть, на онъ часъ мають тое именъе Мосор и люди дисенские к рукамъ своимъ мети. А не заплативъши тое сумы пенезей и тежъ до живота пани Дороты Цыбулское, малъжонъки моее, не мають ся братя и близкии мои в то ничимъ уступати. Такъ тежъ и вси речи мои рухомые: золото, сребро, шаты и иные вси речи мои рухомые отъ мала до велика, штомъ я ей, малъжонъце своей, вечнымъ правомъ даровалъ и листомъ своимъ записал и тепер тое ей, малъжонъце моей, даю, дарую вечънымъ правом,
Яко жъ я, Янъ Гайко, тую волю и остаточное застановенъе пана Яна Михайловича Зеновъевича подле властъного оповеданъя и вызнанъя его, яко то онъ передо мъною, посланъцомъ и върадъникомъ его кролевъскей м(и)л(о)сти, оповедилъ и созналъ, што естъ вышей поменено, до г(о)с(по)д(а)ра короля его м(и)л)о)сти донесъ.
Што его кролевъская м(и)л(о)сть ку ведомости своей г(о)с(по)д(а)рьской припустивъши, рачил казати до книгъ его кролевъскей м(и)л(о)сти канцлерейских то записати.
Писан у Вилни.