Дело 02. 1555.01
Лист земенину браславсколу; Роману Красноселскому, до старосты браславского писаный, абы именейца его Красное, Криковцы, Кожинцы, Олбачов [...] знову ему привернул по выстю его з везеня татарского.
Жыкгимонътъ Авъгустъ, Божъю милостью корол польский, великий князь литовский, руский, пруский, жомойтский, мазовецкий и иных.
Старосте браславъскому и веницкому князю Богушу Федоровичу Корецкому.
Поведилъ передъ нами земянинъ нашъ браславский Романъ Ивановичъ Красносельский, который тых часовъ з рукъ неприятелских з везенья з Орды вышолъ, о томъ, ижъ которие именейца селища его ошчизные на ймя Красное а Криковцы, Кожинцы, Олбачов, Триножин по немъ, кгды его поганство-татарове в полонъ з ыными подъдаными нашими браславскими взяли, тамъ, у Браславли, зостали. А такъ, дей, тые селища
А такъ, мы з ласки нашое г(о)с(по)д(а)ръское, маючи м(и)л(о)стивый възглядъ на впадъ и вбоство, што они, подъданые наши, отъ поганства татаръ прошлых часов тамъ, у Браславли, приняли, того Романа Красноселского при тых селищах его отъчизных на ймя Красномъ, Криковцох, Кожинцох, Олбачове, Триножи зоставили и тымъ листомъ нашимъ зоставуемъ. Нехай он самъ и его жона, и их дети тые селища вышеймененые на себе со всими пожитки деръжать и их уживають по-давному, яко и передъ тым они, то держачи, уживали.
Для чого жъ приказуемъ тобе, княже Корецкий, абы еси тые вси селища его вышеймененые тамъ, у Браславли, естли бы их тотъ служебникъ твой Шрамъ або хто иный держалъ, засе отъ них вземши тому Красноселскому безъ кажъдого омешъканья того жъ часу их подалъ и напередъ никоторое переказы княже Корецкий такъ тежъ и напотомъ будучие отъ насъ, г(о)с(по)д(а)ра, старосты наши браславъские и веницкие, абы есте в тых селищах Красносельскому, жоне и детемъ их некоторое переказы не делали.
Нехай они спокойне тые селища вышейписаные на себе держать, а намъ, г(о)с(по)д(а)ру, службу земъскую военъную с того служить такъ, яко и иные земяне наши браславъские службу земскую
П(и)санъ у Вильни, лета Божего нароженья тисяча пятсотъ пятдесят пятого, м(е)с(я)ца генвара... дня.
Подъписъ руки его м(и)л(о)сти пана Миколая Радивила, воеводы виленьс[к]о[го], маршалъка земского, канцлера Великого Князьства Ли(тов)ского.
Янъ Гайко писар.