НАЗАД


// [лист 51 оборот]

Дело 44.                       1558.03.20 / [1558.04.13]


Сознане перед королем его м(и)л(о)стю п(а)на Миколая Петровича Кишки Техоновског[о] и малжонки его п(а)ни Марыны, кнежны Мстиславское листу их продажгного четвертое части в ыйменю Жеславлю и в новом дворе воеводиной виленской, п(а)ни Глебовичовой, п(а)ни Ганне, кнежне Жеславской, навечност.

Жыкгимонт Августъ, Божъю м(и)л(о)стью и далей....

Ознаймуемъ симъ нашимъ листомъ, хто на него посмотрить або, чтучи его, услышить, нинешънимъ и напотомъ будучим, кому будеть потребъ того ведати.

Ижъ пришедши передъ нас обличне подъчаший нашъ Великого Князства Литовъского, староста дорогицкий, панъ Миколай Петровичь Кишка-Техоновъский оповедилъ и созналъ передъ нами то очевисте именемъ своимъ и тежъ именемъ малъжонки своее паней Марины Михайловны, княжны Мъстиславъское. Што которая часть четвертая маръшалъковой нашой, паней Яновой Яновича Заберезенъской — паней Баръбаре Михайловъне, княжъне Мстиславской в ыймени в замку их отъчизномъ Жославъскомъ и въ новомъ дворе з ровъного делу пришла отъ сестръ ее рожоных, то естъ: пани виленъское, деръжавъчиное упитьское, пани Григоръевое Григоръевича Остиковое — пани Настазеи Михайловъны; а старостиное луцкое кн(е)г(и)ни Анъдреевое Михайлович[а] Санъкгушъковича-Кошеръское, кн(е)г(и)ни Богданы Михайловъны; а отъ малъжонъки пана подъчашого пани Марины Михайловъны — княжон Мъстиславъских. Ино по смерти пани Заберезенское тая четверътая часть замку Жославъского и нового двора правомъ прирожонымъ на сына ее князя Остафъя Матъфеевича Микитинича пришъла и спала. Которую част четверътую того замку Жославъского и нового двора княз Остафей, по матце его на него правомъ прирожонымъ спалую, подъчашому нашому, пану Миколаю Кишъце-Техоновъскому и малъжонъце его пани Марине, княжъне Мъстиславъской навечность пустилъ и листом своимъ то имъ записалъ. И поведилъ передъ нами панъ


// [лист 51 оборот]
подъчаший, же онъ сполне с пани малъжонъкою своею тую четвертую част замку Жославъского и нового двора, отъ князя Остафъя Матъфеевича Микитинича навечность имъ записаную со въсими доходы и пожитки, которые с тое четвертое части замку Жославъского и нового двора здавъна приходять, и яко отец пани подъчашиное княз Михайло Мъстиславъский то на себе деръжалъ, ничого на себе, на детей, близких и кровных своих не оставуючи, спустили и продали воеводиной виленъской, нанъцлеревой Великого Князства Литовъского, пани Яновой Юръевичь Глебовича — п(а)ни Ганъне Федоровъне, княжъне Жославъской ей самой, детем и потомъкомъ ей м(и)л(о)сти вечьными часы за певъную суму пенезей, за триста копъ грошей личбы и монеты литовъское, личачи по десети пенезей у грошъ. На што жъ и листъ свой продажъный подъ печатьми своими и подъ сведомомъ и печатьми некоторых людей добрых их м(и)л(о)сть паней воеводиной дали, што ширей на ономъ листе их продажъномъ естъ описано. Который же листъ свой продажъный на то ей м(и)л(о)сти даный они передъ нами покладали. И билъ намъ чолом панъ подъчаший именемъ своимъ и именемъ малъжонъки своее пани Марины, княжъны Мъстиславъское, абыхмо ласку нашу г(о)с(по)д(а)рьскую вчинили и тую продажу их тое части в замку Жославъскомъ и въ новомъ дворе, яко они то навечность пани воеводиной виленъской продали, подле листу их продажъного, ку ведомости нашой г(о)с(по)д(а)рьской припустивши, листомъ нашимъ потвердити паней воеводиной виленъской казали.

А такъ, мы, за тымъ сознаньем, оповеданьемъ тое продажи их передъ нами в томъ вделаного, за их прозбою, того листу их продажного огледавъши и з него вырозумевъши, казали есмо тотъ листъ пана подчашого и малъжонъки его м(и)л(о)сти слово отъ слова в сесь нашъ листь уписати


// [лист 52]
который такъ ся в собе маеть:

«Я, Миколай Петровичъ Кишъка, подъчаший г(о)с(по)д(а)рьский Великого Князства Литовъского, староста дорогицъкий а я, малъжонъка его м(и)л(о)сти Марина Михайловъна, княжъна Мъстиславъская, вызнаваемъ симъ листомъ нашимъ оба сполне, кому будеть потреба того ведати або, чтучи его, слышати, нинешънимъ и напотомъ будучимъ.

Што которая часть четверътая паней Яновой Заберезенъской, маръшалъковой его кролевъское м(и)л(о)сти, паней Баръбаре Михайловъне Мъстиславъской в замку нашомъ отъчизномъ у Жославъли и въ новомъ дворе оть нас, сестръ ее рожоных, отъ ее м(и)л(о)сти пани Григоръевое Остиковича, пани виленъское, пани Настазеи Михайловъны, а отъ кн(е)г(и)ни Анъдреевое Михайловичь Санъкгушковича-Кошеръское, старостиное луцкое, кн(е)г(и)ни Богданы Михайловъны, а оть мене, Марины, з делу ровъного пришъла. Ино по смерти пани Заберезынское тая четвертая часть в замку Жославъскомъ и въ новомъ дворе правомъ прирожонымъ на сына ее князя Остафъя Матифеевича Микитиновича пришла и спала. А княз Остафей тую четъверътую часть на него, по матце его спалую, в замку Жославъском и въ новомъ дворе мне, Миколаю Кишъце, и мне, малъжонъце его, Марине, навечность спустилъ и листомъ своимъ намъ записалъ. Которое жъ части, будучи есмо отъ немалого часу в держаньи, не мели есмо с нее никоторого пожитку, а, бачачи есмо ласкавую приязнъ и доброе захованье ку намъ велможъное панее ее м(и)л(о)сти панее Яновое Юръевича Глебовича, воеводиное виленъское, канъцлеровое Великого Князства Литовского, пани Ганъны Федоровъны Жеславъское, сестры моее стрыечное, тую часть оть князя Остафъя навечность намъ записаную, в замку Жеславъскомъ и въ новомъ дворе со въсимъ на все, с чимъ на нас оть него пришъла, по нашой доброй воли, без жадного припуженья спустили и продали есмо навечность


// [лист 52 оборот]
впередъ реченой паней воеводиной ей м(и)л(о)сти виленъской, паней Ганне Федоровъне Жославъскомъ и детемъ ее м(и)л(о)сти яко близкимъ и кревънымъ нашимъ и напотомъ будучимъ их м(и)л(о)сти щадкомъ, за триста копъ грошей литовъское монеты и личбы, личачи у грошъ по десяти пенезей.

Которая жь часть в замку Жеславъском и новомъ дворе с подаванъемъ церъквей, с пашънею дворъною замъковою, и з бояры отъчизными, которые отъцу моему князю Михайлу Мстиславъскому и з землями своими отъ братьи его зосталися, и з землями бояръскими, на которых прихожие бояре живуть, и з людми тяглыми отъчизными, непохожими, и з землями, на которых люди прихожие живуть, и з их служъбами и дачками, и дяклы, и землями пустовъскими, бояръскими и путьными, и тяглыми, и с тыми людми, што подалеку отъ замку живуть: на Ислочи, и въ Лумъшине, Жомойти, и въ Крылове, што на тую часть пришло, и тежъ з мещаны и с огороды, и з данъми грошовыми и медовыми, з гаи, з дубровами, з сеножатьми, с озеры, з реками, з речищами, зъ млыны, з млынищи и з их вымелъки, и з ловы зверынъными и рыбъными, и пташими, и з бобровыми гоны, и со въсими доходы, платы и пожитъки, которымъ-кольвекъ именьемъ могуть быти названы, и со всим с тымъ, яко ся тая часть отъ князя Остафъя намъ записаная в замку Жеславъскомъ и въ новомъ дворе сама в собе мает, водле деръжанъя отъца моего князя Михайла Мстиславъског[о], ничого тое части права нашого записного на нас и на детей наших, и на потомъковъ наших, которые отъ милого Бога маемъ, и на сестръ моих, дочокъ князя Михайла Мъстиславъского, и на детей их, и на близких и потомъковъ наших не оставъляючи.


// [лист 53]
А продали есмо ей м(и)л(о)сти паней воеводиной виленъской, паней Ганне Жославъской тую часть, отъ князя Остафъя намъ на вечьност записаную, замку Жеславъского и нового двора, бояръ и людей, и земль Жославъских яко за третюю часть ото въсих именей отъчизных и материстых части пани Заберезенъское четверътое, которая на нее пришла правомъ прирожонымъ отъ нас трех сестръ, пани виленъское, пани Настазеи, отъ кн(е)г(и)ни старостиное луцкое Богданы, а отъ мене, Марины, обел вечно и навеки ничимъ непорушъно, ей м(и)л(о)сти самой и ей м(и)л(о)сти детемъ, и потомъкомъ будучием, и их м(и)л(о)сти щадкомъ.

Волна ее м(и)л(о)сти и дети ее м(и)л(о)сти, и напотомъ будучие их м(и)л(о)сти щадъки тую часть четверътую куплю свою отъдати, продати, заменити и ку своему лепъшому и въжиточному оберънути, яко сами налепей розумеючи. А мы и дети наши, и потомъки наши, и сестры мои, княжъны Мъстиславъские, дети и потомъки их, и близкие наши с потомки своими не мають в тую част четъертую замку Жославъского и нового двора ничимъ ся вступовати и до нее вжо ничого мети на вечные часы. А тую суму пенезей, триста копъ грошей, за тую часть вжо ее м(и)л(о)сть пани воеводиная виленъская всю сполна намъ отъдала и заплатила.

И на то дали есмо ей м(и)л(о)сти паней воеводиной виленъской, паней Ганъне Жеславъской сесь нашъ листъ продажъный подъ нашими печатьми.

А при томъ были и того суть добре сведоми вельможные панове их м(и)л(о)сть: князь Янъ з Доманова, з ласки Божий бискупъ жомойтьский; а панъ Остафей Богдановичь Воловича, маръшалокъ и писаръ его кролевъское м(и)л(о)сти, староста могилевъский и медъницкий; а панъ Янъ Миколаевичъ Гайко, писар г(о)с(по)д(а)рьский, конюший городенъский, ключникъ виленъский, староста ошъменъский, утенъский.

И просили есмо тьх вышеймененых пановъ о приложенъе печатей их м(и)л(о)сти к сему нашому листу. Их м(и)л(о)сть на нашу прозбу то вчинили, печати


// [лист 53 оборот]
свои к тому листу нашому приложити рачили.

Писанъ у Вильни, лета Божего нароженья тисеча пятьсотъ пятьдесять осмого м(е)с(я)ца марца двадъцатого дня.

Рука подъписана полскимъ писмомъ. Миколай Кишъка Техоновъский, подъчаший Великого Князства Литовъского, староста дорогицкий, рукою своею властъною»

(Прим: в документе отсутствует начало и заключительная часть. Датирован по копии, сохранившейся в Метрике №39, лист 153-157 об.)

 


Hosted by uCoz